සසර දුක නිවන මග(නිවන් මග)

 මේ සසර දුකින් මිදීමට නම්- සසර ගමන නැවැත්විය යුතුය

සසර ගමන නැවැත්වීමට නම්- නිවන් දැකිය යුතුය(යලි උපත නැති කිරීමට)

නිවන් දැකීමට(යලි උපත නැති කිරීමට) නම්- තෘෂ්ණාව නැතිකල යුතුය (ලෝභ,ද්වේෂ,මෝහ)

තෘෂ්ණාව(ලෝභ,ද්වේෂ,මෝහ) නැති කිරීමට නම්- ලෝක සත්‍යය අවබෝධ කරගත යුතුය(චතුරාර්ය සත්‍ය)

ලෝක සත්‍යය අවබෝධ කරගැනීමට නම්- ප්රඥාව දියුණු කල යුතුය

ප්රඥාව දියුණුකර ගැනීමට නම්- විදර්ශනා භාවනාවන් වැඩිය යුතුය

විදර්ශනා භාවනාවන් වැඩිමට නම් - විසිරෙන සිත එක් තැන් කල යුතුය

විසිරෙන සිත එක් තැන් කිරීමට නම් - සමථ භාවනාවක් වැඩිය යුතුය

සමථ භාවනාවක් වැඩීමට නම් - කුසල ශ්‍රද්ධාව දියුණු කල යුතුය

කුසල ශ්රද්ධාව දියුණු කිරීමට නම් - ශිලයක පිහිටා නිතර ත්‍රිවිධ රත්නයේ ගුණ සිහිකළ යුතුය

ත්‍රිවිධ රත්නයේ ගුණ සිහිකිරීමට නම් - සූවිසි ගුණය පිළිබද අවබෝධයක් ලබාගත යුතුය

සූවිසි ගුණය-බුදුගුණ නවය(9)

                        දහම් ගුණ හය (6)

                          සංඝ ගුණ නවය(9)

(සුවිසි ගුණය පිළිබද හැදින්වීම ලගදීම)

කියවන්න

පිරිතේ අනුහස නමින් නවතම ලිපියක් ළගදීම ඔබ වෙනුවෙන් ඉදිරිපත් වනු ඇත

කියවන්න

එන්න ධර්මය දකින්න

 ඉපදෙමින්, මියයමින්, විවිධ වූ ආහාවන් පොදිබැද ගනිමින් සසර පුරාවට නොවිදිනා දුක් විදිමින් සැරිසරන ලෝක සත්වයාගේ යථා ස්වභාවය කල්ප කාලාන්තරයක් මුළුල්ලෙහි දැරූ මහගු උත්සහයේ අවසන් ඵලය ලෙස අවබෝධ කරගනිමින්, ලොව පුරා පැතිරීගිය ආත්මාර්ථය දුරු කරමින් පරාර්ථකාමීත්වයට මූලාරම්භයක් තබමින්, සුවහසක් දනමන අමදම් සිසිලසින් පුරවාලූ ඒ උතුම් සම්බුදුපියාණන් වහන්සේගේ සත්පුරැෂත්වය මෙතෙකැයි කියා නිමකල නොහැකිය. 

 2011 වෙසක් පුර පොහෝදිනය වනවිට ඒ උත්තම නායකයාන‍ණෝ අප සැම වෙනුවෙන් සම්බුද්ධත්වයට පත්වී වසර 2600 ගතවන බව මේ වනවිට සියල්ලෝම දන්නා කරුණකි.
 ඒ උතුම් තෙමගුල වෙනදාමෙන් ඔප දමාගත් අලංකාරයෙන් පමණක් හදවත් සනසාගන්නට තැත් නොකොට... සිත,කය,වචනය සංවර කරගෙන පර්තිපත්තිමය පූජා සිදුකිරීමට ඔබට හැකිනම්, එය අන් සැමදෙයකටම වඩා වටිනවා ඇත. සිතේ ආශාව දුරුකොට  සිතේ පැසවන වෛරය, තණ්හාව දුරුකොට, ආත්මාර්ථයෙන් මිදී පරාර්ථය වෙනුවෙන් යම් දෙයක් කරන්නට ඔබට හැකිවනු ඇත.
ඒ නිසැවෙන් ඔබත් නමට පමණක් බෞද්ධයකු නොවී එන්න ධර්මය දකින්න. ඔබට සම්බුදු සරණයි.

කියවන්න